Тренерот на Рома, Жозе Мурињо им приреди специјална вечера на играчите во рибен ресторан во Рим, по повод јубилејниот илјадити натпревар 1000 во неговата тренерска кариера. Португалскиот специјалист имаше причина за славење откако „волците“ го совладаа Сасуоло со 2:1 и тоа со гол во последната минута на Стефан Ел Шаарави.
Мурињо одржал десетминутен говор пред своите играчи и ги уверувал дека Рома има сили да освојува трофеи.
Утре, Мурињо ќе ја предводи Рома на својот 1001 натпревар против ЦСКА Софија во Лигата на конференции, а според италијанскиот печат, Португалецот планира ротации во тимот за да им даде пауза на стартерите од почетокот на сезоната. Дефанзивецот Крис Смолинг, кој до неодамна се опоравуваше од повредата и се уште нема играно на официјален натпревар оваа сезона, ќе се врати на теренот. Инакну Смолинг се враќа откако се опорави од повредата токму од натпреварот против ЦСКА минатата сезона, што заврши 0-0 во Рим во групите од Лига Европа.