Поранешниот претседател на Пакистан, Первез Мушараф е обвинет за убиството на премиерката Беназир Буто во 2007 година. Обвинителството смета дека Мушараф не преземал соодветни мерки да ја заштити од бомбашките напади. Мушараф од друга страна се изјасна како невин.
Буто, првата жена премиер на Пакистан, беше убиена во декември 2007 година, кратко време по нејзиното враќање во Пакистан по одлуката да учествува на изборите во 2008 година.
Во тоа време претседателската должност ја вршеше Первез Мушараф.
Владата на Мушараф го обвини пак поранешниот талибански лидер на Пакистан, Баитула Месуд за нападите, за кој тврдат дека платил мрежа од исламисти одговорни да го подготват убиството.
Мушараф кој на власт дојде по државниот удар во 1999 година, поднесе оставка десет години подоцна.
Тој се врати во Пакистан во март, после речиси четири години работење во странство, со цел да учествува на мајските избори, но во меѓувреме се соочи со неколку правни проблеми во врска со периодот на неговото владеење.
Во меѓувреме, тој беше во куќен притвор во предградието Исламабад.