На аџилак годинава заминаа 919 верници муслимани од 13 муфтиства во нашава држава, изјави претседателот на Исламската верска заедница во Македонија Хаџи Шакир еф.
Фетаху додаде дека авионското патување кон светите исламски места во Саудиска Арабија во Мека и Медина е реализирано последните три дена со пет авиони на Саудиска Арабија од Скопје до Џеда, пишува Радио Слободна Европа.
Сите верници муслимани биле сместени без проблеми и ги започнале верските исламски обреди. Според утврдените критериуми оваа година верниците кои патуваат на хаџ не треба да бидат над 65 години, да имаат примени најмалку две вакцини против ковид и 72 часа пред патувањето да имаат реализирано ПЦР тест.