Сите украдени народни пари, треба да бидат вратени назад на државата, а ние како партија ветуваме дека ќе направиме споменик кој ќе го регистрира секое враќање на народните пари, изјави вечерва лидерот на СДСМ Зоран Заев во Нова Дебата.
Според Заев од 2007.ма до сега се изнесени околу 5 милијарди 150 илјади евра народни пари.
Постоечките закони во државата се јасни, а тоа е дека кривично дело кое е докажано со судска пресуда, каде што има украдени народни пари, се конфискува имотот кој е незаконски стекнат.
Поради тоа, СДСМ ќе изгради еден споменик на Триумфалната капија кој ќе регистрира како се враќаат народните пари, рече вечерва лидерот на опозицијата Зоран Заев на Нова Дебата.
„ На Триумфалната капија ќе поставиме еден бројчаник. Како Агенцијата за запленет имот ќе продаде имот и ќе врати пари во буџетот, така ќе се заврти бројчаникот. Тоа ќе биде споменикот со кој ние ќе допринесеме во оваа болумента од споменици во централното јадро на нашиот град дека се што е украдено ќе се врати. Секако тоа ќе биде согласно законските постапки и Уставот, ако тоа секако с е докаже. Јас верувам дека има основа за лесно да се докаже и да се вратат најголем процент од парите, дури и 100 проценти од сите украдени пари во Македонија“, изјави лидерот на опозицијата Зоран Заев, кој одговараше на прашања на граѓаните и на корисниците на социјалните мрежи Твитер и Фејсбук.