За прв пат после 2009 година, цената во Европа за барел сурова нафта „брент“ падна под 50 долари. Цената во Њујорк падна под 50 долари во понеделникот.
– Бидејќи нема знаци дека ОПЕК ќе преземе мерки против хиперпродукција, може да бидеме сведоци и на уште падови во следните недели, со оглед на фактот дека побарувачката не се зголемува, вели аналитичарот Мајкл Хјусон од CMC Markets.
Неодамна Саудиска Арабија ја намали цената на нафтата за Европа и САД, како би го задржала својот удел на пазарот. Нафтата поевтини за повеќе од 50% по месец јуни поради премногу високата понуда и забавувањето на растот на главните светски економии.
Загубите во ноември пораснаа откако 12-члената Организација на земјите извознички на нафта (ОПЕК) одлучи да не го намали производството поради ниските цени и го задржа произвдството од 30 милиони барели дневно.