Лионел Меси ја доби шестата Златна копачка во кариерата, награда што традиционално се доделува на најдобриот стрелец во Европа за претходната сезона. Препорака се голови, а Аргентинецот запиша 36 за Барселона во Примера од август лани до мај оваа година.
Со шест Златни копачки, Меси е рекордер и сега има две повеќе од Кристијано Роналдо. Капитенот на Каталонците и на аргентинската репрезентација ја освојуваше награда и во 2010 година, во 2012 година, во 2013 година, во 2017 година и во 2018 година.
Златната копачка само еднаш не заврши кај Меси или Роналдо од 2010 година. Тоа беше случај во 2016 година во која добитник на престижната награда беше Луис Суарез кој, пак, во 2014 година ја подели со Португалецот.
Меси во минатата сезона постигна три гола повеќе од Килијан Мбапе за ПСЖ во францускиот шампионат. Трет на листата европски стрелци е напаѓачот на Сампдорија, Фабио Квалјарела со 26 погодоци.
Меѓу добитниците на Златна копачка се наоѓа и Дарко Панчев кој во сезоната 1990/91 постигна 34 во дресот на Црвена звезда во Првата лига на поранешна Југославија.