Во образложението на наградата се вели: “Со својата визија и амбиции, припаѓате во ретките професионалци кои успеаа да ја поврзат теоријата со практиката на односите со јавност во почетоците на создавање на оваа професија во Македонија. Благодарејќи на вашиот предан и огромен труд, вашето богато знаење го пренесовте на бројните студенти. Со континуирано пратенње на трендовите и нивната имплементација во пракса, допринесовте односите за јавност Македонија, нималку да не заостануваат во светското образование.”
Проф. Колар- Панов е автор на голем број книги и публикации, од кои најмногу цититрана е
Video, War and Diasporic Imagination на издавачката куќа Рутлиџ, 1997, издадена во 11 едиции и ре-публикувана во 8 различни електронски формати, од 2001-2010. Била член на основачките одбори на Школото за новинарство и односи со јавност -МИМ, како и ги основала првите (во Македонија) студии по Односи на јавност и студиите по Комуникации и нови медиуми на Њујорк Универзитетот Скопје.
Таа во моментов е декан на Факултетот за комуникации на Меѓународниот Балкански Универзитет -Скопје. Проф. Колар- Панов од 1995 год. откако е дојдена во Македонија, била ментор на многу студенти кои денес се веќе признати стручњаци во областа на комуникации во Македонија, што всушност беше и нотирано од страна Проф. Колар-Панов во благодарноста за наградата- дека е посветена на сегашните и поранешните студенти.