На истрагата во Кенија за крвавата опсада од страна на исламистичките милитанти во Најроби се придружија експерти од САД, Велика Британија, Германија, Канада и Интерпол, јавува ББЦ.
Форензички експерти го истражуваат Westgate трговскиот комплекс за да пронајдат ДНК и балистички индиции, изјави министерот за внатрешни работи Џозеф Оле Ленку.
Тој потврди дека петмина милитанти беа мртви и рече дека телата на повеќе се очекува да се најдат.
Одржувањето погреби продолжува за 67 цивилни и воени жртви.
“Ние се придвиживме кон следната фаза”, изјави Ленку на брифингот за новинарите во Најроби, велејќи дека очекува судската ревизија да трае најмалку седум дена.
Тој рече дека не очекува бројот на жртвите да се зголеми значително.
Повеќе тела се смета дека се заробени под урнатините oткако се урнаа три спрата од зградата.
Г-дин Ленку рече дека тој само очекува телата на милитантите да се пронајдат.
Истрагата продолжува во правец да се утврди нивниот идентитет, вклучувајќи го прашањето дали една од нив е жена, додаде тој, велејќи: “Ние сакаме повторно да ви побараме да им овозможите на експертите за судска медицина да утврдат дали тоа е вистина.”
Г-дин Ленку рече дека тој не е во можност да потврди дали имало Британци или Американци кои се вклучени во нападот, но рече дека 10 лица биле затворени во врска со нападот.
