Дедото на Тамара, 57 годишниот Љупчо Стојановски утринава прво бил во домот каде што живее екс министерот Никола Тодоров, дознава НОВА од свои извори во полицијата. Го чекал да излезе од дома, но кога дознал дека ќе биде во Министерството за здравство се упатил таму, да го пречека. МРВ ги прегледува камерите да видат што се случувало пред домот на Тодоров.
Пиштолот со кој пукал во Тодоров не бил безопасен како што излегоа информации во јавноста. НОВА неофицијално дознава дека пиштолот со које е пукано во Тодоров не е ниту гасен, ниту обичен. Според нашите извори, најверојатно станува збор за некоја комбинација, односно за надоградуван пиштол кој можел да убие. Во МВР оваа информација не ја потврдуваат и велат велат дека се работи на вештачење како на пиштолот, така и на целиот случај.
„Се работи на вештачење на пиштолот како и на испитување на сведоците. Разговарано е со Тодоров, а напаѓачот допрва ќе биде испрашуван. Тој е повреден од обезбедувањето и се уште во клиничкиот центар“, потврдија во МВР, за НОВА.
Откако ќе му биде пружена медицинска помош, Стојановски ќе биде однесен во полициска станица на сослушување. Нападот се случи денеска околу пладне кога при влегување во Министерството за да изврши примопредавање на функцијата, Тодоров беше нападнат при што беа испукани неколку куршуми. Очевидец за НОВА, видно потресен раскажаа што се случило.
„Тодоров влегуваше насмеан во зградата кога оденднаш се појави човекот и му го впери пиштолот во чело. Екс министерот болно врисна и почнаа да се борат, паднаа на подот. Човекот испука 3-4 куршуми но не го погоди. Истрча онбезбедувањето, а потоа дојде и полиција“, раскажа за НОВА очевидец на настанот.
Тодоров не е повреден, но е вознемирен од настанот. Неофицијално, случајот најверојатно ќе се води како „обид за убиство“, но за тоа последниот збор ќе го има обвинитеството откако ќе ги собере сите доказни материјали.