Русија наскоро нема да може да си го исплати надворешниот долг – не ќе може да ги исполни обврските кон надворешниот долг за првпат од Болшевичката револуција пред еден век.
Според рускиот министер за финансии Антон Силунов, половината од надворешните резерви на земјата, околу 315 милијарди долари, се замрзнати со западните санкции наметнати поради инвазијата на Украина.
– Како резултат на тоа, Москва ќе ги исплаќа во рубљи кредиторите од земјите кои се непријателски сè додека санкциите не се укинат, рече тој.
Агенциите за кредитен рејтинг најверојатно ќе сметаат дека Русија не е во можност да си го плаќа долгот ако Москва пропушти исплата на ратите или ако го отплаќа долгот издаден во долари или евра во други валути како рубља или кинески јуан.
Неплаќањето на долгот ќе ги избрка од Русија и оние малку странски инвеститори што останаа и уште повеќе ќе го изолира стопанството кое почна да пропаѓа.
Директорката на Мeѓународниот монетарен фонд (ММФ) Кристалина Георгиева, вчера кажа дека руското неисполнување на обврските веќе не е неверојатно.
„Русија има пари за да го сервисира долгот, но нема пристап до нив“, рече Георгиева.
Георгиева рече дека засега не е веројатно дека ќе се развие финансиска криза, и кажа дека изложеноста на западните банки не е системски релевантна.