Наследник во Стопанска Банка, на сегашниот директор во заминување, Глигор Бишев, многу веројатно ќе биде Константинос Братос, човек кој веќе е дел од раководството на банката, пишува Фактор.
Извори од банкарските кругови велат дека гркот Братос е фаворит во номинацијата за моќната директорска позиција, иако е можно и некое изненадување во последен момент.
Според достапните податоци за менаџментот на Стопанска Банка, Братос е преседател на Надзорниот Одбор на банката, во кој членуваат уште седум лица. Од нив, двајца се Македонци.
Доколку Братос ја преземе директорската позиција тој би застанал на чело и на Управниот Одбор на Стопанска Банка. Сегашен преседател на У.О, кој брои четири членови, е Глигор Бишев. Тој има тројца заменици-директори. Едниот е Тони Стојановски, Генерален директор за ризици.
Другите двајца заменици доаѓаат од Грција. Едниот е Диомидис Николетопулус, кој во исто време е Генерален директор за банкрство и вториот е Теодолус Скордис, Генерален директор за корпоративно управување.
Според Фактор со евентуалното именување на странец за прв извршен директор на Стопанска Банка, а без при тоа да има промени на сегашните имиња во Управниот Одбор, менаџментот на банката ќе го сочинуваат тројца грчки директори и еден македонски директор. Сепак, опциите за прв човек се уште остануваат отворени. За новиот директор ќе треба да даде согласност и централната банка.
Во меѓуреме, од Грац стаса и официјална потврда дека Глигор Бишев ќе биде новиот директор на “Шпаркасе банка“ во Македонија.
Стопанска Банка, според големината на капиталот и расположливата банкарска инфраструктура, е меѓу водечките банкарски групации во земјава, се смета за еден од клучните кредитори на поголемите индустрии во земјава.
Преку кредити за инвестиции, банката има одобрено кредити на големи компании од металскиот, градежниот и енергетскиот сектор. Неодамна, Стопанска Банка, како и останатите банки во земјава се вклучија и во владиниот прокет “Купи куќа-купи стан“.
Еве дел од кредитни линии што ги ги одoбри Стопанска Банка за инвестициска подршка на стопанството.