Во екот на најголемата криза по студената војна во односите со Русија, НАТО најавува историски одлуки на самитот кој утре започнува во Кардиф, Велика Британија. Една од одлуките кои ги најави генералниот секретар на НАТО, Фог Расмунсен е акциски план за распоредување на едници за брза реакција во источна Европа.
„На самитот ќе се осигураме дека Алијансата ќе биде подготвена и способна да ги брани сојузниците од каков било напад. Ќе донесеме акциски план за готовност , кој ќе го направи НАТО поагилен од кога било“, изјавил Расмусен
Ова е, според зборовите на Расмунсен, одговор на „агресивното однесување на Русија“, но и и потреба НАТО да ги зајакјне своите перформанси за одговор на актуелните безбедносни предизвици каде и да се појават.
Акцискиот план предвидува единиците за брза реакција со висок степен на готовност да бидат способни да се распоредат за многу брзо време. Извори од НАТО тврдат дека тие единици на теренот ќе имаат јадро од околу стотина луѓе, но дека во рок од два дена ќе може да се распореди батаљон – 600 до 800 луѓе, а за пет дена бригада – од 4.000 до 6.000 војници.