Чарлс Смит изјави дека поранешните НБА играчи кои заминаа во Северна Кореја на кошаркарско-дипломатска мисија, предводена од Денис Родман, не биле исплатени од страна на репресивниот режим.
„Секако дека не. Сметам дека сум доволно мудар да ја разберам динамиката, особено парите од С. Кореја. Не, не бевме платени од таа земја воопшто“, вели Смит за CNN.
Смит кој се пензионираше од најсилната кошаркарска лига на светот во 1997 година, по девет сезони, објасни дека ирска компанија за обложување, како и екипа која подготвува документарен филм, ги платиле трошоците за американските „амбасадори“.
Минатиот месец, „Педи Пауер“, соопшти дека се откажуваат од проектот на Родман по егзекуцијата од страна на Ким на неговиот тетин.
Поранешниот НБА кошаркар, надополнува дека не се работело за парите. Тој на патувањето гледал како шанса за размена на информации со други спортисти, но не и како роденденски поклон за Ким Јонг Ун.
Тој објаснува дека Родман навистина сакал да организира голем настан.
„Го гледав како се менува и беше многу тешко да останеме заедно по контроверзиите кога пристигнавме во Северна Кореја“, вели Смит.
Родман пристигна на аеродромот во Пекинг од Пјонгјанг во понеделникот наутро, кој како последен од НБА кошаркарите ја напушти земјата на Ким Јонг Ун.