Не можам да го разберам молкот на политичарите иако 147 земји од 193 земји ја признаа Палестина и неколку земји од Западот најавија дека ќе го направат тоа овој месец на седница во Обединетите Нации. Малкумина од политичарите проговорија на оваа тема иако нивните гласачи се згрозени од тоа што го гледаат во Газа. Не можам да го разберам молкот на на другите наши граѓани од другите професии во услови кога се убиени голем број деца, жени, хуманитарни работници, спортисти, уметници …
Ердем Ахмет
Не можам да го разберам молкот на голем број мои колеги новинари за геноцидот во Газа по убивањето на над 200 новинари од страна на Израел. Само малкумина јавно го осудија тоа.
Не можам да го разберам молкот на универзитетските професори после уништувањето на сите универзитети и образовни институции во Газа. Само малкумина реагираа на тоа.
Не можам да го разберам молкот на докторите иако најголем дел од здравствената инфраструктура во Газа е уништена и убиени се голем број здравствени работници. Најголемиот дел од нив молчеа.
Не можам да го разберам молкот на активистите во невладиниот сектор иако највлителните организации за човекови права во Западот и во Израел, како и најголемиот дел од научниците за геноцид дојдоа до заклучок дека Израел врши геноцид во Газа . На протестите за подршка на Палестинците видов многу малку активисти кои претходно протестираа против многу помали работи од геноцидот.
Не можам да го разберам молкот на политичарите иако 147 земји од 193 земји ја признаа Палестина и неколку земји од Западот најавија дека ќе го направат тоа овој месец на седница во Обединетите Нации.
Малкумина од политичарите проговорија на оваа тема иако нивните гласачи се згрозени од тоа што го гледаат во Газа.
Не можам да го разберам молкот на на другите наши граѓани од другите професии во услови кога се убиени голем број деца, жени, хуманитарни работници, спортисти, уметници …, уништено е скоро целото културно наследство во Газа и луѓето таму освен од оружје умираат и од глад. Малкумина од нив се гласни во осудата….
Не можам да разберам зошто сме толку малку ние кои јавно даваме подршка на Палестинците и го осудуваме Израел за геноцидот во Газа ?
Дали другите луѓе се плашат дека тоа ќе има негативни последици по нив?
Навистина на Западот многумина од тие кои се против геноцидот беа уапсени, некои изгубија работа, некои дадоа оставки во државните институции бидејќи не се согласуваа со политиката на нивната земја, некои изгубија голем дел од претходно договорените ангажмани, некои не можеа да дипломираат, некои беа под закана дека ќе бидат протерани од земјата….. Сепак најголемиот дел од луѓето кои имаа негативни последици од подршката велат дека тоа не е ништо во споредба со страдањата на Палестинците.
Добро е што кај нас немаше негативни последици за тие што се гласни во подршката на Палестинците.
Можеби немаше никакви последици во нашата земја за тие што не молчат бидејќи подршката за Палестинците е толку слаба па никој не ја забележа или никој не се почувствува загрозен.
Можеби подршката е слаба бидејќи некои граѓани се плашат дека ќе изгубат некој грант од западните земји и организации.
Можеби подршката на Палестинците кои поминуваат низ најтемната фаза од својата историја е слаба бидејќи некои наши граѓани се плашат дека нема да бидат поканети на прием во некоја од амбасадите на западните земји кои се соучесници во геноцидот во Газа.
Можеби некои луѓе се плашат да не им замерат партиите од власта или од опозицијата кои со мали исклучоци во голема мера одлучија да молчат за ова прашање.
Можеби некои луѓе се безчуствителни.
Можеби некои луѓе се себични. Можеби некои се опортунисти…
Можеби најголемиот дел од нашите граѓани се многу различни од граѓаните во западните земји кои во голем број протестираат против нивните влади и бараат ембарго на оружје и санкции за Израел.
Од фејсбук ѕидот на авторот