ПР содржина
Во јавноста за мазутот се користеа тешки квалификации: токсичен, канцероген, опасен.
Но, кога станува збор за кривична постапка, зборовите не се доволни.
Потребни се лабораториски анализи.
Потребни се официјални контроли.
Потребни се вештачења.
Во Македонија постојат пропишани стандарди за квалитет на течните горива. Кај мазутот се контролираат повеќе параметри, меѓу кои сулфур, вода, пепел, седименти, точка на палење, калориска моќност, вискозитет и карбон.
Тоа значи дека постои јасен систем преку кој може да се утврди дали одреден мазут ги исполнува законските стандарди.
Според информациите кои ги имаме за случајот, не било утврдено надминување на граничните вредности кај мазутот што бил предмет на постапката.
Понатаму, вештачењата и податоците за работата на ТЕЦ „Неготино“ не покажале загадување кое може да се припише на централата во периодот опфатен со истрагата.
И тука се раздвојуваат две работи кои често се мешаат во јавноста.
Мазутот може да биде фосилно гориво.
Но тоа само по себе не значи дека конкретната пратка е „токсична“.
За такво нешто мора да постои доказ дека горивото не ги исполнувало стандардите.
А токму таков доказ не е утврден во наодите на кои се темели запирањето на истрагата.
Затоа, кога се зборува за „отровниот мазут“, треба да се постави едно едноставно прашање:
Каде е лабораторискиот или вештачкиот наод што покажува дека конкретниот мазут ги надминувал дозволените граници?