Само што заврши тестирањето, и еве сите 95 ученици се негативни на ковид-19. Немаше никакви проблеми со скринингот, се течеше според планираното. Екипи од Центарот за јавно здравје земаа брисеви од учениците во посебна просторија, и добро е, сите наши ученици се негативни на коронавирусот – ни рече Салиу
По утринскиот скрининг за ковид-19 во СУГСГ „Зеф Љуш Марку“ во Скопје, каде сите 68 тестирани средношколци се негативни, исти резултати добија и 95-те медицинари во училиштето „Панче Караѓозов“. Брзите тестови со кои и тие беа проверувани денеска покажаа дека сите се негативни на коронавирусот.
Директорката на ова средно училиште, Маја Салиу, за НоваТВ изјави:
– Само што заврши тестирањето, и еве сите 95 ученици се негативни на ковид-19. Немаше никакви проблеми со скринингот, се течеше според планираното. Екипи од Центарот за јавно здравје земаа брисеви од учениците во посебна просторија, и добро е, сите наши ученици се негативни на коронавирусот. По тестирањето, учениците кои имаа часови се вратија во училниците – ни рече Салиу.
На прашањето дали имало некакви проблеми при тестирањето, Денис Јанкуловски, медицинскиот техничар од Центарот за јавно здравје Скопје, кој заедно со колегите од ЦЈЗ денеска им земаше брисеви на средношколците во двете скопски училишта, изјави:
– За скринингот одлично се организирани и двете училишта, а се тестираа само учениците кои имаат согласност од родителите. Резултатите од брзите тестови ги добивавме за неколку минути. И ние као екипа сме презадоволни од тоа како се одвиваше тестирањето за ковид-19 – ни рече Јанкуловски.
И во СУГСГ „Зеф Љуш Марку“ сите ученици коишто се проверуваа на ковид-19 беа негативни.
Во врска со тоа имало ли родители кои одбиле да дадат согласност нивните деца да бидат тестирани, специјалниот едукатор и рехабилитатор во „Зеф Љуш Марку“, Ајше Беќировска за МИА претходно изјави дека од МОН им предложиле три листи по 69 ученици:
– Од првата листа не земавме согласност од родителите, па потоа од втората или од третата листа ги надокнадивме бројките на ученици. Имаше некои што не се согласуваа и ги почитуваме нивните мислења, но повеќето дадоа согласност, учениците се тестирани и имаат негативен резултат, додаде Беќировска.
Скринингот продолжува во Кривогаштани, Берово, Вевчани, Дебарца, Демир Капија, Дојран, Зрновци, Конче, Лозово, Могила, Новаци, Пехчево, Старо Нагоричане и Центар Жупа.
(Љ.Б.)