Американската влада го објави долгоочекуваниот извештај кој требаше да потврди или демантира дали 144-те објекти кои ги виделе пилотите на американската авијација во 2004 година се неидентификувани летечки објекти. Но, и најновиот извештај кој го објави Конгресот, откако им бил даден на увид не може да ги потврди овие појави кои владата на САД ги нарече „неидентификувани воздушни појави“.
Во обемниот извештај стои дека сите наводи на воените и на разузнавачките аналитичари, не располагале со доволни податоци за да го утврдат потеклото на мистериозните летечки објекти кои ги гледале воените пилоти, вклучувајќи го и прашањето дали станува збор за напредни технологии на некоја држава , атмосферски појави или дека се од вонземска природа.
„Врз основа на податоците со кои располагаме, немаме јасни индикации дали некои од тие неидентификувани водушни феномени се дел од странски разузнавачки програми, и немаме јасни податоци кои би укажале на голем технолошки напредок на некој потенцијален противник на САД“ им било кажано на новинарите на брифингот.
Ова не е прв официјален владин извештај за оваа тема. Американското воено воздухопловство, порано спроведе истрага за НЛО која ја нарече „Проект сина книга“, кој е завршен во 1969 година и кој содржи список од 12.618 појави од кои 701 се споменуваат како објекти кои официјално останале ,,неидентификувани“.
Во 1994 година, американското воено воздухопловство објави дека спроведе студија за да се лоцираат документи и податоци во врска со ,,инцидентот во Розвел“ 1947 година во Ново Мексико. Во студијата е речено дека материјалот кој е пронајден во близина на Розвел, одговара на оној по рушењето на балонот што било долгогодишно објаснување на војската за инцидентот, и дека нема документи кои би покажале дека тогаш пронајдените тела се тела на вонземјани или кои содржеле вонземјански материјал.