Министерството за култура на вчерашната седница на владата предложи, а Владата прифати, оваа година да не биде доделена наградата „23 октомври“, што ја воведе претходната влада на ВМРО ДПМНЕ, а е поврзана со денот на формирањето на историското ВМРО.
Образложението е дека на Комисијата за доделување на оваа награда мандатот ѝ завршил во февруари оваа година и дека претходната влада не покренала постапка за формирање нова. Заради оваа ситуација биле пробиени и сите други рокови за пријавување на кандидати за оваа награда.
Ова укинување на државната награда „23 Октомври“, според ВМРО ДПМНЕ е „резултат на долгогодишно деградирање и исмевање од страна на СДСМ со „Денот на македонската револуционерна борба“ со кој како што велат се одбележува „еден од најсветлите датуми во македонската историја“.