Никој не знае колкаво ниво на пестициди содржат македонските јаболкa и другото овошје.
Дали се води контрола колкава количина од овие опасни супстанци се прскаат на овошките за да се заштитат од штетници и да дадат поголем род.
НОВА консултираше експерти, земјоделци, инспектори и дојдовме до сознание дека во државата не се води контрола колкава количина на пестициди се става на овошните дрвца. Прскањето на овошјето е оставено на совест на самите производители сметаат повеќето професори од Земјоделскиот факулет за НОВА.
-Се е оставено на совеста на самите производители. Никој не врши контрола колкава количина на пестициди се ставаат на овошките. Најчесто земјоделците прскаат колку ќе им текне иако увозниците им даваат програми и упатсва како да ракуваат со препарати изјави професорот Марјан Кипријановски.
Контрола во Фитосанитарната лабораторија или во некоја друга лабораторија се прави само во исклучителни случаи, на барање на поединци доколку некој се посомнева во исправноста на овошките вели Кипријановски.
Од друга страна извори во инспекциските служби за НОВА велат дека инспекторите задолжени за земјоделските производи сертификатите ги даваат без некои посебни контроли на квалитетот бидејќи такви се правилата во ова област.
Русија го вклучи алармот откако премиерот Дмитриј Медведев на едно советување на
земјоделците обелодени дека од почетокот на годината до сега биле откриени 60 тони на
јаболка од Србија затруени со високо ниво на пестициди.
Рускиотр премиер Дмитриј Медведев обелодени дека последните контингенти на јаболки увезени од Србија и Полска се опасни по здравјето на луѓето поради високите нивоа на пестициди и нитрати кои ги содржат во себе.
Официјално Македонија не извезува јаболки во земјите од ЕУ. Но, сепак, на Земјоделскиот
факулет велат дека државата извезува јаболки за Русија преку Србија. Сепак, никој со сигурност неможе да каже дали спорните јаболки полни со отровните пестициди потекнуваат од нашата држава. Македонија врши извоз во Србија, Иран, Украина и Молдавија.
Пестицидите се хемиски материи кои се опасни по здравјето, а нивната прекумерна употреба
доведува до уништување на екосистемот. Експертите предупредуваат дека е неопходно да
се знае во колкави количини треба да се користат за прскање на дрвцата, но и како правилно земјоделците да ракуваат со нив.