Новата година Владата ја почна со уште една скапа кампања – ќе се потрошат 500 илјади евра на реклами и спотови за промоција на семејните вредности пред граѓаните. Вчера и завчера на бирото за јавни набавки беа објавени договорите со рекламните агенции за оваа кампања.
Република, Маркет Вижн, Трето уво, Њу Момент, Аквариус Дизајн, Омега Комјуникејшн и Актива Интер Конс се агенциите на кои им се доделени средствата за изработка на кампањата.
Огромните суми кои Владата ги троши на реклами, како и целисходноста на кампањите често се мета на остри критики и обвинувања за злоупотреба на државните ресурси за промотивни цели, протекционизам помеѓу избраните агенции, особено агенцијата Република, тазе фирма која се прослави како прв избор за соработник во сите владини кампањи.
Рекламната “треска” на Владата започна во 2008 година. 11 кампањи во само една година буџетот го чинеа речиси 7 милиони евра. Сумите во табелите кои следат подолу се во евра.
Се разбира, маркетинг активностите не престануваат тука. Засега, кампањата за промоција на семејните вредности е првиот половина милион кој се потроши годинава. Еве колку пари се потрошија изминатите три години на разноразни кампањи, од промоција на реформи во одделни области, па се до поттикнување на креативните мисли кај граѓаните.
Табелите погоре ги претставуваат само парите кои се потрошени преку Генералниот секретаријат на Владата. Ниту останатите институции не останаа имуни на рекламната “треска”.
Наголемо се рекламираат активности на министерства, општини и јавни претпријатија, а се оди дотаму што некои од рекламите се тотално апсурдни во смисла на цел. Како на пример, кампањите на Електраните на Македонија – запознавање на граѓаните со нивните активности. Еве ги топ 4 институциите кои потрошиле најмногу пари за рекламирање.
Овие табели се составени со помош на податоците достапни на Бирото за јавни набавки. Но, бројките ни оддалеку не ја отсликуваат вкупната потрошена сума на владата и институциите за кампањите.
Колку трошат други институциите, колку трошат општините и кои се топ три агенциите кои речиси секогаш победуваат на тендерите за реклами ќе читате во Нова во наредните денови.