Предлог-законот за медиуми да се повлече затоа што нема потреба од него, а Предлог-законот за аудио и аудиовизуелни медиумски услуги да се коригира согласно забелешките на домашните и странските институции, бараат ЗНМ, ССНМ, МИМ и СРМ.
Како што истакна на денешната заедничка прес-конференција на овие здруженија Насер Селмани од ЗНМ, оваа нова медиумска регулатива, односно овие два Предлог-закона кои неделава беа усвоени во Владата, не се во духот на европските стандарди бидејќи не се вградени суштинските забелешки.
Главни забелешки:
– Независноста на регулаторното тело, односно Агенцијата за медиуми бидејќи, вели, мнозинството од членовите на Советот при ова тело ги предлагаат политички институции – Собранието и ЗЕЛС.
– Не е прифатена сугестијата на експертот на Советот на Европа номинацијата и изборот на членовите на Советот од собраниската Комисија за избори и именувања да се врши со двотретинско мнозинство, а уште посилно политичко влијание има околу номинацијата на членовите на Советот на МРТ кој брои 13 члена од кои 10 предлагаат политички и јавни институции. Со тоа, според Селмани, се намалуваат МРТ да прерасне во вистински јавен сервис на граѓаните. Не е регулирано ниту прашањето за исправка и одговор согласно европската директива за аудиовизуелни услуги, а не е запазен и принципот на пропорционалност во делот на казнени одредби.