Самитот меѓу американскиот претседател Доналд Трамп и лидерот на Северна Кореја, Ким Јонг-ун, заврши без договор за денуклеаризација на Корејскиот полуостров, објави Белата куќа. Состанокот ненадејно е прекинат, а двајцата лидери на прес конференција најавија нова средба наскоро.
-Во овој момент не е постигнат договор, но нивните тимови се надеваат на нова средба во иднина, се вели во соопштението од портпаролката Сара Сандерс.
Иако се очекуваше, дека овој пат ќе има договор за ова чувстително прашање за нуклеарното разоружување.
По средбата, Ким изјави дека неговото присуство укажува дека е подготвен за решение.
-Ако не сакав да го направам тоа, јас не би бил тука токму сега, изјави тој на прес конференцијата, на што Трамп коментираше: „Тоа е најдобриот одговор“.
Ким беше прашан и дали лидерите зборувале за човековите права, но Трамп одговори место него дека „зборуваве за се“.
Прес службата на Белата куќа објави дека севернокорејскиот лидер и американскиот претседател имале искрен и темелен разговор во Ханој, за да го подготват патот за сеопфатни и суштински резултати од втората средба.
– Двајцата лидери разговараа за различни начин за постигнување на денуклеаризацијата и за економски поддржани концепти. Нивните тимови со нетрпение чекаат да се сретнат во иднина, се нагласува во соопштението.
Претходно, дипломатски извори информира, дека САД и Севрна Кореја се договориле за најмалку три точки од заеднички документ што требаше да го потпишат Трамп и Ким на крајот на нивната средба во Ханој.
Истите извори тврдеа дека во документот, кој требаше да биде наречен Ханојска декларација, ќе беше нагласена денуклеаризацијата, наведени следни чекори на двете страни за нејзино постигнување и поставени задачи и прашања што ќе се разгледуваат подоцна.
Денеска на вториот ден од самитот САД-Северна Кореја. Трамп и Ким имаа средба во четири очи што траеше повеќе од половина час, по што се одржа средба на двете делегации во проширен состав, на која од американска страна учествуваа и државниот секретар Мајк Помпео и советникот за национална безбедност на Белата куќа, Џон Болтон.
