Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Непреземањето мерки за заштита на здравјето може да се смета за повреда на правата

0
By Ivana on November 18, 2021 ПОЛИТИКА
СПОДЕЛИ
Facebook Twitter LinkedIn Email
Published: Thursday, November 18, 2021 13:29

Бура од реакции предизвика новиот предлог антиковид-мерки на Комисијата за заразни болести. Откако министерот за здравство, Венко Филипче вчера соопшти дека до Владата ќе предложи сите вработени во јавниот сектор и во локалната самоуправа за да одат на работното место треба да прикажат сертификат за барем една доза примена вакцина, направен ПЦР тест не постар од 72 часа на своја сметка, со реакција се јавија дел од синдикатите и граѓаните на социјалните мрежи. Тие сметаат дека со ваквите мерки се кршат основните човекови права.

Правната советничка и координаторка Драгана Дрндаревска од Мрежата за заштита од дискриминација за НОВА ТВ вели дека мерките за задолжителна вакцинација не претставуваат нелегално ограничување на правата ниту пак дискриминација. Како што додава, клучно е да се разбере дека правата можат да бидат ограничени, но ограничувањето не смее да биде на провизорен и непропорционален начин.

-За ковид вакцината и за МРП вакцината има одлучувано Европскиот суд за човекови права кој не смета дека задолжителната вакцинација е повреда на правата од конвенцијата. Сепак за Ковид 19 вакцинацијата и за останатите мерки, допрва ќе ја следиме практиката на Судот. Во нашиот случај целта на мерката е легитимна, да се заштити јавното здравје, рационална е бидејќи непосредно треба да доведе до зголемување на бројот на вакцинирани со што се штити здравјето и правата на другите, вели Дрндаревска.

Таа потенцира дека Европскиот суд за човекови права смета дека државите имаат поширока маргина на дискреција да одлучат дали заштитата на јавното здравје е поважно од правото да се избере дали да се прими вакцина или не опфатено со членот 8, прво на приватен живот.

-Притоа во расудувањето е важно да се разгледа прашањето дали постои итна социјална потреба, а земајќи го предвид фактот дека сѐ уште Ковид 19 претставува сериозна закана за јавното здравје наспроти нискиот процент на вакцинирани лесно може да се заклучи дека ваква потреба постои. Вакцинацијата се смета за ефикасен и ефективен начин за заштита на населението од болести, а со намалување на бројот на доброволно вакцинирани сѐ повеќе држави преземаат мерки со кои вакцинацијата директно или индиректно ја прават задолжителна, вели Дрндаревска.

Напротив, како што додава, непреземањето на мерки за заштита на здравјето на населението може да се смета за повреда на правата, секако зависно од околностите. Мерките за задолжителна вакцинација не претставуваат нелегално ограничување на правата нити пак дискриминација.

Инаку и на домашно ниво исто така, Комсијата за спречување и заштита од дискриминација донесе одлука дека задолжителното вакцинирање на децата како услов за запишување во школо не претставува дискриминација.

И во регионот има засилување на мерките поради зголемениот број на заразени од Ковид 19. Од 15 ноември во Хрватска и Словенија сите вработени, но и корисници на јавни и државни услуги треба да имаат потврда за вакцинација, прележана болест или негативен тест.

Во Грција, пак невакцинираните вработени во јавниот и приватниот сектор мора да прават тестови за Ковид 19 еднаш или двапати неделно, на свој трошок, додека пак во Франција на околу 3.000 здравствени работници им е суспендирано правото на заработка, бидејќи не биле вакцинирани против корона.

Комисијата предлага и вакцината да биде задолжителна за сите здравствени работници. Филипче апелираше кон овие мерки да се приклучат и приватните компании. Тој истакна дека овие мерки би стапиле во сила 10 дена откако ќе ги усвои Владата, а здравствените работници имаат рок од 30 дена за да се вакцинираат.

Освен тоа, Комисијата предлага да се ажурира процесот за контрола на сертификатите, од страна на МВР и на пазарниот инспекторат, односно преку достапните апликации и QR кодовите на овие апликации да се проверува дали сертификатите што ги приложуваат лицата се валидни.

И.Р.

 

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.