Израелскиот премиер Бенјамин Нетањаху денес изјави дека неговата земја нема да прифати прекин на огнот за време на преговорите кои се во тек во Каиро се додека Палестинците не ги земат сериозно во предвид «безбедносните потреби на Израел».
Истовремено израелска делегација се очекува да пристигне во Каиро за преговорите кои треба да видат кон потпишување на прекин на оган.
«Нема да прифатиме договор за прекин на оган ако не добиеме одговори на нашето конкретно барање за безбедноста», рече Нетањаху на почетокот на владината седница сабајлево. Според него, «ако Хамас мисли дека може своите воени загуби да ги претвори во победа, тогаш се лаже». Нетањаху предупреди дека времето не игра за Хамас и дека Израел е одлучен во своите намери.
Тоа значи дека Газа треба да се демилитаризира а за оваа опција Палестина не сака чуе. Тие пред се бараат кревање на блокадата која веќе со години ја обиколува и економски ја гуши Газа.
А синоќа во Тел Авив илјадници Израелци протестираа повикувајќи ја владат да преговара со палестинската власт на Махмуд Абаз. “Оваа војна нема да заврши се додека не разговараме”, пишуваше на транспарентите како и “Евреите и Арапите одбиваат да бидат непријатели, “Да за политичко решение”.
Протестантите побараа оставка од Нетањаху кој одива да преговара со Абаз: “Владата го ослабнува Абаз а го зајакнува Хамас”, рече еден пратеник од левата партија Мерец која го организираше протестот.
Последниот конфликт во Газа однесе 1.980 жртви во Палестина и 76 во Израел од кои тројца цивили, од 8 јули кога започна.
Привремениот прекин на оган беше прогласен во понеделникот и обновен во четвртокот за пет дена за да им се даде шанса на преговорите.