Едноставно во Македонија има обратен процес, секаде се зголемува невработеноста, а кај нас се намалува, тоа го кажа и статистика со последниот извештај што го даде пред Нова Година дека невработеноста е под 30 проценти, вели директорот на Агенцијата за вработување Влатко Поповски во неделното интервју на Радио Слободна Европа.
На прашањето дека има обвинувања од опозицијата дека всушност вештачки се бришат невработените, Поповски вели:
-Нè обвинуваат дека ги бришеме и така натака. Точно така, ама ако ви кажам дека само 8 проценти од нив се пожалиле, изразиле негодување од вкупната бројка, значи некаде од 100-тина илјади решенија, а имаме само 8 проценти жалби и приговори на нив, да не зборуваме повеќе, значи се гледа колкава е нивната активност.
Поповски со одговор на прашањето како е можно да се намалува бројот на невработени во изминативе три години за 100 илјади, а според државниот завод за статистика се зголемува бројот на вработени за 40 илјади во истиот период:
Во Македонија многу луѓе се научени да работат без регистрација, значи дури и самите невработени не сакаат да бидат пријавени во некои случаи бидејќи ќе изгубат некое социјално право,вели директорот на Агенцијата за вработување Влатко Поповски за Радио Слободна Европа.