„Постојат неправилности за кои надлежните институции може да спроведат соодветни пријави“, кажа Слаѓана Тасева на денешната презентација на финасиската ревизија на проектот Скопје 2014.
„Споменикот на Никола Карев според документацијата и договорот е изведен во бронза. Основниот договор бил дека вреди 5 милиони денари, но подоцна со одлука на градот е донесено ново решение за измена и дополнување на претходното по кое вредноста се зголемува на 45 милиони денари. Образложението е дека овој споменик треба да се изработи во мермер“ – ова е само дел од ревизорскиот извештај на Слаѓана Тасева и Драган Малиновски за проектот Скопје 2014.
Заклучокот е дека биле побарани 10 пати повеќе пари од предвидените со образложение дека споменикот ќе се лие во мермер. Сепак на крајот може да се види дека споменикот на Никола Карев поставен пред платото на републичкото Собрание е изработен во бронза.
Според ревизијата исто така утврдено е дека општината немала надлежности за изградба на мостови но и покрај тоа општина Центар фигурира во документацијата како инвеститор на два моста.
Градоначалникот Андреј Жерновски најави дека сите неправилности утврдени во ревизијата ќе ги достави до јавното обвинителство.
Следуваат детали од ревизорскиот извештај на Тасева и Малиновски кои тие го работат по барање на градоначалникот на Центар, Андреј Жерновски.