Поетот Никола Маџиров е претставник од Македонија, како потписник и дел од 562 автори кои вчера, на Меѓународниот ден на човекови права ја објавија петицијата за крај на надзорот што се спроведува од страна на владите и приватни корпорации кои се здобиваат со лични информации на луѓето.
Петицијата е иницирана и потпишана од страна на великаните на светската литература, меѓу кои се и имињата на Умберто Еко, Орхан Памук, Гинтер Грас, Елфриде Јелинек, Маргарет Атвуд, Џулијан Барнс, Тарик Али, Aмос Оз и многу други.
На петицијата денеска го стави својот потпис и претседателот на ПЕН, писателот Ристо Иванов, кој освен тоа, соопшти дека еднодушно и безрезервно Управниот одбор на Македонскиот ПЕН центар ја поддржува иницијативата на 580 писатели, објавена на Берлинскиот литературен фестивал, против масовното надгледување и повикот до Обединетите нации да креираат закон за дигиталните права, сооштува ПЕН.
„Надгледувањето флагрантно ја крши приватноста и ја компромитира слободата на мислата и изразувањето. На писателите не им преостанува ништо друго, освен со своето најсилно оружје – зборот, силно да го изразат своето несогласување и протест против ваквата практика на безбедносните служби на многу земји во светот“, стои во соопштението од претседателот на Македонскиот ПЕН, Ристо Лазаров.
– Затоа берлинската иницијатива заслужува целосна поддршка и дека ќе придонесе технолошкиот напредок да не биде ставен во служба против злоупотребата на приватноста и слободата на мислењето.
– Оваа иницијатива не смее да помине како другите слични иницијативи што писателите од светот, вклучувајќи го и Меѓународниот ПЕН, ги покренува досега и да наиде на игнорантски однос кај политичките моќници и властодршци, се вели во соопштението до јавност од Македонскиот ПЕН.
Имињата на писателите кои се иницијатори и потписници можете да ги видите со клик на овој линк.