Носителот на кандидатската листа за пратеници на ВМРО-ДПМНЕ и коалицијата за ИЕ 6, Никола Попоски во рамките на својата поста на Гостивар ја посети компанијата за преработка на камен и изградба на патишта “Прогрес 98” . Тој истакна дека ВМРО-ДПМНЕ му дава особено значење на градот Гостивар и овој регион, како што соопштува ВМРО-ДПМНЕ.
– ВМРО-ДПМНЕ во својата програма “Проверено” има предвидено многу проекти од големо значење за регионот. Од многуте, би го споменал Проектот Рехабилитација на регионалниот пат Тетово-Брвеница-Чегране-Гостивар којшто ке придонесе за подобрување на комуникацијата меѓу жителите на овие населени места и подигнување на безбедноста-истакна Попоски.
Во продолжение на посетата Попоски се сретна со Советот на ветерани на ВМРО-ДПМНЕ во Гостивар и изрази задоволство од нивната активност и ангажираност како во минатото, така и во моментов, соопштува ВМРО-ДПМНЕ.