Пратеничката Пенова, сопругата на пратеникот Александар Спасеновски, која воедно и и шеф на Кабинет на претседателот на Собранието Трајко Вељаноски и водителот Миленко Неделковски се само дел од имињата блиски на власта кои добивале државно земјиште за користење и земјоделски субвенции. Неделковски на површина од 25 фудбалски игралишта чува 130 кози, вели во интервју за НОВА , заменикот министер за земјоделие Љупчо Николовски.
– Фамозната „Платежна агенција“ за распределба на земјоделските субвенции е најтаинствената и најбитната институција во секторот земјоделство, за братучедите Никола Груевски и Сашо Мијалков, рече Николовски, на прес конференцијата што ја одржа пред оваа институција.
– Преку оваа контроверзна институција се распределуваат милионски суми на земјоделски субвенции на луѓе блиски до фамилијата. Со потписите на директорите на агенцијата, министерот за финансии, кумот Зоран Ставрески, а по налог на Груевски, милиони евра завршуваат кај новопечени агробизнисмени и богаташи, блиски до фамилијата. Од субвенциите за земјоделците пари земаат и пратеници, нивни фирми, директори и раководители. Затоа уште од првиот ден со влегувањето во министертсвото писмено побаравме да видиме колку пари се предвидени и се потрошени, односно кој сè има добиено од парите на земјоделците, но одговор не добивме, рече тој, додавајќи дека ова е прекршување на Договорот од Пржино и дека мора да се знае секој денар на граѓаните каде е потрошен.
Интегрално интервјуто со дополнителниот замеик- министер за земјоделие Николовски проследете го поладнево на НОВА.