Илија Србиновски (лево), Љупчо Николовски (десно)
Дополнителниот заменик-министер за земјоделство, шумарство и водостопанство (МЗШВ), Љупчо Николовски денеска информираше дека случајот со раководителот на подрачната единица на МЗШВ во Битола, Илија Србиновски кон кого беше поднесена кривична пријава за злоупотреба на службената положба и овластување, почнувал да се разрешува.
Во известувањето кое го добил Николовски од Јавното обвинителство потврдиле судир на интереси.
– Бидејќи во кривичната пријава која ја имате поднесено до ова Обвинителство произлегува дека кај пријавениот има судир на инетерс, а воедно дека намерно предизвикал штета на земјиштето кое било доделено на неговата сопруга, кривичната пријава заедно со сите прилози е доставена на натамошно надлежно постапување на Основно Јавно Обвителство Битола, се вели во известувањето.
Николовски вели надлежниот министер Михаил Цветков најмалку што можел досега да направи е да го разреши Илија Србиновски и да си поднесе оставка.
– Вакво нешто е недозволиво да се толерира во институција на Владата. Илија Србиновски има кривична пријава за договор со кој е прекршен Законот за земјоделско земјиште во 2010 година а цели 5 години контролата во министертвото не фунционирала, односно повисоките органи со години штителе незаконско работење и злоупотреби во самото министерство, потенцираше министерот.
Дополнителниот заменик-министер неодамна го обвини поранешниот пратеник на ВМРО-ДПМНЕ, Илија Србиновски дека со своето семејство си доделиле 45 хектари државна земја под концесија, а при почетокот на декември минатата година ја поднесе и кривичната пријава.