Американската национална агенција за безбедност инсталирала шпионска програма во повеќе од 100.000 компјутери низ целиот свет со цел да и се овозможи надзор над овие компјутери, пишува Њујорк тајмс.
Oваа тајна технологија користи радио бранови со кои добива пристап до компјутерските уреди иако корисниците се обиделе да ги заштитат од сајбер напади.
Најчесто софтверот се инсталирал преку упад во компјутерските мрежи, но НСА се повеќе употребувала тајна технологија, што и давала можност да влегува и да ги менува податоците во компјутерите, дури тие и да не биле поврзани со Интернет, покажуваат документите на агенцијата, на компјутерски експерти и на американски службеници, цитирани од весникот.
Радиотехнологијата, употребена од НСА почнувајќи од 2008 година, дава можност за пренесување на радиобранови од минијатурна апликација или УСБ стик, поставени тајно во компјутерот, додека инсталирањето на хардверот можело да биде изведено од шпион, од производител или од несомнителен корисник.
Од НСА објаснуваат дека системот, што може да се искористи за спречување на сајбер напади од следените компјутери, повеќе е „активна заштитна стратегија“.