Ако хаштагот #NotInMyName го отворите на Твитер ќе ја видите видео кампањата на британската невладина организација Active Change Foundation (ACF) која се бори против религиозниот екстремизам.
«Вашиот шеф ве лаже», «Ова што го правите е нехумано», «Мојата религија е толерантна кон секој човек но вие, вие не ја почитувате!». Ова се слоганите на видео кампањата која веќе десетина дена може да се најде на социјалните мрежи. Во видеото млади британски муслимани пред камера и со натпис во рацете, ги осудуваат акциите на организацијата «Исламска држава» која, според нив, е многу далеку од толерантниот ислам.
Според Ханиф Кадир, претседател на ACF (човекот со брада на видеото) «на младите муслимани од Британија им се смачено од пропагандата на омраза која ја шират терористите на «Исламската држава» на социјалните мрежи. Лути се што ги гледаат тие криминалци кои ги користат овие мрежи за да ги радикализираат младите и во нивно име и во име на исламот да шират насилни говори».
«Овие терористи не се вистински муслимани, тие не ги следат исламот и мирот и тие се непријателите на човештвото», вели Кадир кој им се обраќа на оние кои посакуваат да му се придружат на џихадизмот: «Размислете. Далеку сте од вистината. Вратате им се на книгите и на Куранот».
Кампањата ги повикува муслиманите на «твитуваат» и на тој начин да објаснат зошто не се препознаваат во «Исламската држава».
Криминалот што го вршат во последните недели припадниците на оваа џихадистичка организација го шокираа светот. На 11 септември оранизацијата «Репортери без граници» го осуди криминалот на оваа група терористи и ги повика да ги ослободат сите новинари и цивили кои се наоѓаат во нивни раце. На овој текст му се придружија и многу муслимански организации помеѓу кои и Големата џамија од Париз, Унијата на исламските организации во Франција, која инаку е блиска до Муслиманските браќа, Меѓународната унија на муслимански научници од Катар, Советот на индонезиските муфтии и британскиот Муслимански совет.