По неуспешниот обид во петокот поради немање кворум за избор на претседател, заменик претседател и членови на Комисијата за верификација на фактите, денеска пред пратениците се повторно предлозите на Комисијата за именување.
Старо-ниовиот состав на Лустрациска треба да се гласа со двотретинско мнозинство, кои минатата недела заврши без успех, бидејќи опозицијата ја напушти собраниската сала.
Собранието на Република Македонија денеска треба да ја продолжи 80. седница на која единствена преостаната точка е Предлог законот за ратификација на Спогодбата меѓу Владата на Република Македонија и Владата на Романија за соработка во областа на образование, наука, култура, мас-медиуми, млади и спорт.
На дневен ред на 82. седница, меѓу другото, се и Предлог законот за реализација на инфраструктурен проект за изградба на магистрален гасовод, Делница „Клечовце – Блок станица 5“, како и измените и дополнувањата на законите за данокот на добивка, за персоналниот данок на доход, за филмската дејност и за аудио и аудиовизуелни медиумски услуги, на Законот за медиуми, на Изборниот законик и на Кривичниот законик, сите по скратена постапка.
За дел од законските решенија за кои ќе се дебатира на денешните седници на Парламентот, претходно ќе заседаваат собраниската Комисија за финансирање и буџет и Законодавно правната комисија.