Анти-допинг случај е отворен против рускиот осовојувач на бронзениот медал во карлинг Александар Крушелницки, соопшти Арбитражниот суд за спорт (Кас).
Крушелницки, кој во вторникот ја освои бронзата со својата сопруга во мешаните двојки во карлинг имал позитивен тест на мелдониум, супстанца која го забрзува крвотокот, ја подобрува физичката кондиција и е забранета во 2016 година.
Случајот против 25-годишниот руски спортист е отворен по барање на Меѓународниот олимписки комитет (МОК).
Засега не е одреден датум кога тој ќе сведочи, бидејќи денеска се очекуваат резултатите од вториот тест.
Крушелницки кој е дел од неутралниот тим олимписки спортисти од Русија (ОАР), го напуштил олимпиското село во Пјонгчанги се наоѓа во Сеул, чекајќи го резултатот од тестот.
Повеќе од 160 натпреварувачи се во тимот на ОАР, откако на Русија и беше забранет настап на ЗОИ поради “системски” допинг во Сочи 2014, на кој беше домаќин.
Руските спортисти кои докажаа дека се „чисти“, станаа дел од тимот кој настапува под кратенката ОАР, тим составен од 168 натпреварувачи – или третиот по големина, по оние на Канада и на САД.
Портпаролот на МОК изјави дека ќе биде “исклучително разочарувачки за нас ако се докаже случајот”.
Претседателот на Руската федерација за карлинг, Дмитриј Свишчев, потврди за Ројтерс дека спортистите во тимот биле тестирани на 22 јануари, пред да заминат за Јужна Кореја и дека тестовите биле негативни.