Во последно време се злупотребуваат донациите на луге кои имаат потреба да се лекуваат во странство. Граѓаните ја изгубија довербата. Велат дека сакаат да донираат но доколку бидат сигурни дека парите стигнуваат на вистинското место. Директорот на Фондацијата Срце од СрЦе, Ќазим Асотиќ е револтиран и смета дека смислено се врши злоупотреба на донациите.
Пред неколку месеци родители го злоупотребија бројот за донација на нивното дете кое веќе било оперирано во странство, но никој не понесе одговорност. На социјалните мрежи врие од вакви случаи и коменатри од луѓе кои се згрозени од новиот вид на измама. Последниот, случајот со малата Сара ја прели чашата. Овојпат, парите се пренасочуваат за изградба на црквата Св. Константин и Елена.
Асотиќ смета дека ова е класична злоупотреба од страна на МПЦ. Тој е категоричен дека црквата не смее да собира пари од граѓаните на ваков начин, бидејќи секој што сака да ја помогне за изградбата на новата црква знае како да го направи тоа. Од мобилниот оператот се правдат дека нема ништо спорно што бројот од донациите се пренасочува кон друг корисник.
Собирањето на пари за хумани цели очигледно е најлесниот начин како да се дојде до брза заработувачка. Но, кој и зошто ги злоупотребува парите на болните? Со ова прашање треба да се позанимаваат институциите задолжени за редот во државата. Тие засега молчат и сериозно не се познимавале со оваа проблематика.