15 починати и 37 нови случаи на Ковид -19 бележи последната статистика на Министерството за здравство. Битката со корона вирусот ја изгубиле тројца пациенти од Битола, двајца од Скопје, Куманово, Тетово и Прилеп и по еден од Струга, Гостивар, Велес и Штип, сите на возраст помеѓу 58 и 83 години. Од пријавените, 3 лица починале во домашни, а останатите во болнички услови. Во последните 24 часа направени биле 3.143 тестирања.
ИЈЗ регистрирал и 69 оздравени пациенти.
Според епидемиолошки анализи најголем број активни случаи има во Скопје, 1149, 272 во Куманово, 125 во Прилеп, 108 во Тетово.
Во ковид центрите во Скопје во последното деноноќие хоспитализирани биле 7 пациенти, а вкупно се лекуваaт 127 болни, сомнителни и потврдени за Ковид 19. Во ковид центрите ширум земјава се лекуваат вкупно 202 пациенти.
Во текот на вчерашниот ден на вакциналните пунктови анти ковид вакцина примиле вкупно 4.148 граѓани. Од нив 4123 ја примиле првата доза. До сега во С. Македонија вакцинирани се вкупно 220.733 граѓани, а интерес за вакцинација преку веб платформата vakcinacija.mk изразиле близу 400.000 граѓани. 45,7 отсто од населението над 70 години имаат примено барем една доза вакцина.