Словачкиот премиер Роберт Фицо, придружуван од страна на словачкиот министер за внатрешни работи Роберт Калињак претладнево дојдоа на македонско – грчката граница каде заедно со министерот за внатрешни работи на Македонија Оливер Спасовски каде одржаа прес конференција до самата жичана ограда.
Додека функцинерите држеа прес конференција, од другата страна на оградата, бегалците во солзи молеа да бидат пуштени да го продолжат патувањето.
-Ве молам не не оставајте тука да умреме. Немаме каде да се вратиме, молеше еден од групата, додека на едната страна беше бројната словачка и македонска полиција, а од другата страна истоштените илјадници бегалци.
Активисти и дел од странските новинари беа вчудоневиени од настанот и ги прашуваа финкционерите како се чувствуваат да држат прес конференција додека полицијата парадира пред очите на бегалците.
Министерот Спасовски изјави дека му е жал за илјадниците луѓе овде, но како жто рече “мојата работа е да ја браам македонската полиција и Македонија“.
– Исто така не е во ред овие луѓе да ја напаѓаат нашата полиција, изјави Спасовски, додавајќи дека се спремни да одговорат на тие напади.
Словачкиот премиер рече дека неговата земја е тука за се што и треба на Македонија во однос на оваа криза.
Додека говореа тие двајца, припадници на словачката полиција беа залепени за жичаната ограда и со мобилни телефони се фотографираа со бегалците.
Никој од делегацијата не ги праша бегалците како им е. Една од големите британски ТВ куќи СКај њуз во јавувањето, прес конференцијата ја оцени како катастрофа.
НОВА веќе трет ден ја следи ситуацијата на македонско- грчката граница кај Идомени. Од другата страна има околу 12.000 бегалци, а нови постојано пристигнуваат. Во кампот се чека километарска редица за лекарска помош, а ограничен е и пристапот до храна и лекови.