Договорот од петокот меѓу лидерите на ВМРО-ДПМНЕ и на СДСМ, Никола Груевски и Бранко Црвенковски, постигнат со посредство на ЕУ, предвидува комисијата која треба да ги истражи инцидентите од 24 декември минатата година, да биде формирана што поскоро, а последниот рок е 15 април кога треба да биде објавен пролетниот извештај од Европската комисија.
Според договорот комисјата треба да ја заврши својата работа во рок до 60 дена, односно не подоцна од средина на септември, велат изворите на НОВА од Брисел.
Составот на комисијата предвидува двајца членови на предлог на ВМРО – ДПМНЕ, двајца од СДСМ и еден по предлог на претседателот Иванов.
НОВА открива како ќе се одвива изборот на експертите:
– Секоја од партии поднесува листа со пет независни експерти
– Во изборот влегуваат имињата на експертите кои ќе се најдат на двата списока
– Доколку нема такви, претседателот Иванов врз база на предлозите ќе го прави изборот во консултација со двете политички партии, како и со помош на кабинетот на еврокомесарот за проширување на ЕУ, Штефан Филе.
Дополнително двајца мнеѓународни експерти ќе бида предложени од ЕК, а нивната улога ќе биде советодавна и набљудувачка.