Во кумановската населба “Диво насеље” се уште трае полициската акција. Новинарката на НОВА, Сашка Цветковска јавува дека се слушаат истрели и детонации. Новинарските екипи немаат пристап во населбата. По малото затишие попладнево околѕ 14.30 дојде до нова ескалација на судирите меѓу полицијата и вооружената група.
Населението во Куманово е вознемирено, но како што јавува нашата новинарка Македонците и Албанците во близина на населбата каде што се води операцијата заедно се обидуваат да добијат повеќе информации за тоа што се случува во нивниот град.
– Се разбудив во 4.45 имаше силни детонации и страшни рафали, буквално се тресеа прозозрците, вели жител од наслебата каде се случи инцидентот.
Друг жител на оваа наслеба ни рече дека видел четири вооружени лица кои бегале од полцијата. Инаку вооружените акции се водат во или околу неколку куќи во населбата “Диво насеље” кои се одамна напуштени.
Екипата на НОВА сретна една група граѓани, Македонци и Албанци кои седаа на улица, кои велат не се плашат за соживотот и дека утринава го пиеле заедно утринското кафе и разменувале инсформации.
– Не сме загрижени дека ова ќе влијае врз сооживотот и зато за инает еве не овде да пиеме заедно кафе сите да го видат тоа. Сите сме загрижени што ќе биде со земјата, ни рекоа овие жители на Куманово.