Нови 6 до 8 милиони евра ќе бидат потрошени за изградба на споменик на Мајка Тереза. Овој споменик требаше да биде донација и Индиецот Субрата Рој но таа донација никогаш не беше реализирана па министерството за култура одлучи сам да го финансира овој споменик.
Вчера имало јавна наддавање и биле доставени понуди од „Урбан инвест“ кој дал понуда од 6,2 милиони евра додека „Бетон“ побарал 8,2 милиони евра за споменикот.
Според тендерската документација, изведувачот треба да изгради објект со тераса, фонтана, како и споменици на Мајка Тереза, милосрдни сестри, ангели, декоративни венци во форма на пехар и други релјефи од мермер и бронза.
Авторка на овој споменик е Валентина Стефановска со нејзиниот колега Кирил Мукаетов. Стефановска е авторка и на Александар и Филип.
Министерството за култура во наредните денови ќе ги разгледа понудите по што ќе следи електронска аукција.
Споменикот на Мајка Тереза кој ќе се издигне неколку чекори од „Воинот на коњ“ ќе биде висок 32 метри, како што беше најавено пред две години кога Субрата Рој ја најави неостварената донација.