Во 7 часот пред зградата на Министерството за образование започна собирот на просветните работници собрани околу Универзитетот Бунтовник и основните и средните училишта ПУЛС, незадоволни од изборот на новиот министер за образование Дејан Вук Станковиќ, чиј прв ден на новата функција е денеска. Направиле барикада од двете страни на влезот во министерството и чекаат да пристигне министерот. Како што изјавија, нема да го спречат да влезе во министерството. Ним им се придружија ученици и вработени во предучилишни установи.
Министерката за труд, вработување, бранители и социјала Милица Ѓурѓевиќ Стаменковски денеска оцени дека протестот пред Министерството за образование за избор на нов министер ќе се случеше „без разлика кој ќе беше избран“ на таа функција.
Насобраните пред Министерството за образование се потпишуваат на голем лист хартија поставен пред институцијата и со тоа бараат прекин на дисциплинската постапка против сите вработени во образованието.
Не се знае дали министерот дошол во зградата, а доколку е така, тоа го направил на еден од споредните влезови, пишува српскиот портал Н1.