Универзитетските професори Ненад Новковски и Никола Јанкуловски се кандидатите за нов ректор на Универзитетот „Св. Кирил и Методиј“ Скопје, кој законски треба да се избере до 30 јули.
Ова го одлучи ректорката управа, која даде 28 гласа за Јанкуловски и 17 за Новковски. Следната седница е закажана за 27. месецов, кога дефинитивно ќе се знае кој ќе биде новиот ректор.
Тие беа избрани во потесен круг, од шестмината кандидати на денешната седница во Ректоратот.
Изборот за ректор на УКИМ предизвика жестоја расправија и меѓу студентите, откако Студентскиот пленум обвини дека за нов ректор ќе гласаат нелитимни претставници од Студентскиот Парламент.
На Пленумци денеска не им беше дозволено присуство на седницата иако Статутот предвидува јавност на седниците.
Ненад Новковски е редовен професор на Природно-математичкиот факултет на УКИМ на Институтот за физика. Дипломирал на Факултет за физика во 1980 година. Постдипломските студии по физика ги завршил на Електротехничкиот факултет во Белград. Докторската дисертација ја изработил во Лозана, Швајцарија, а ја одбранил на Институтот за физика на ПМФ. Автор е на бројни научни и стручни трудови, а беше и министер за образование и наука во Владата на Љубчо Георгиевски.
Никола Јанкуловски е актуелен декан на Медицинскиот факултет, каде што го предава предметот Хирургија. Тој е абдоминален хирург. Студиите ги завршил на Медицинскиот факултет во Скопје. Во декември 2002 година ја одбранил докторската дисертација. Од септември 2007 до април 2009 година бил директор на ЈЗУ Универзитетска клиника за дигестивна хирургија. Добитник е на наградата „Св. Климент Охридски“ од областа на здравството во 2013 година и наградата „11 Октомври“ во 2015 година.
На конечната седница на 27 јуни, новито ректор ќе го изберат сенаторите со 68 гласа, додека претставниците на студенсткиот парламент имаат 10 гласа.