Владата денеска планира да се задолжи со нови 33 милиони евра. Се работи за задолжување од домашни кредитори што ќе го спроведе преку продажба на државни хартии од вредност.
Според објавените податоци во Проспектите за задолжување на министерството за финансии, државата продава обврзници со рок на доспевање од една, десет и петнаесет години.
По трет пат Владата продава обврзница која ќе доспее за отплата во 2030 година. Од оваа обврзница планира да обезбеди скоро 10 милиони евра. Најголем дел од парите, односно скоро 18 милиони евра, планира да ги обезбеди од продажба на едногодишна обврзница а остаокот од 5,5 милиони евра преку продажба на обврзници со рок на доспевање во 2025 та година, односно за десет години.
Владата и минатата недела спроведе задолжување на домашен терен, но тоа беше интревентно задолжување кое не беше најавено во Календарот на министерството за финанасии.
Според последните расположливи податоци, заклучно со декември, вкупниот Јавен долг изнесува 3,9 милијарди евра или 45,8% од БДП.
Утре Владата на кредиторите треба да им врати 47 милиони евра.