Министерот Ставрески треба да им објасни на граѓаните кој е основот за овие задолжувања. Дали овие средства планира да ги „истури“ во предизборниот период или е свесен за реалната економска состојба и погрешните економски политики на Владата на РМ во изминатиот период?, прашува дополнителниот заменик министер за финасии Кире Наумов, по денешната аукција на државни хартии од вредност, каде министерството запиша 81 милион евра во државни записи.
Утре по основ на доспеани долгови, Министерството за финансии треба да врати во стопанството 76 милиони евра.
Не се знае каде министерството за финансии ќе ги употреби дополнителните пет милиони евра.
„Министерството за финансии на денешната аукција на државни хартии од вредност запиша 81 милион евра во државни записи. Повторно повеќе од потребното за враќање на доспеаните обврски.
Заклучно со денешната аукција нето долгот од почетокот на годината е 60 милиони евра. Министерот Ставрески треба да им објасни на граѓаните кој е основот за овие задолжувања.
Дали овие средства планира да ги „истури“ во предизборниот период или е свесен за реалната економска состојба и погрешните економски политики на Владата на РМ во изминатиот период?
Дали ваквите задолжувања се последица на општата намалена економска активност и драстичното намалување на редовните приливи во буџетот?
И Народната банка на РМ во последниот извештај за макроекономските показатели констатираше потфрлање во приливите од ДДВ, данокот со најголемо учество на приходната страна.Во 2015 година и според НБРМ приливите од ДДВ се пониски за 6,3 отсто од проектираните и што е уште поалармантно, во апсолутен износ приливите од ДДВ во 2015 година се пониски од износот собран во 2014 година“, стои во рекацијата на Наумов.