Новогодишни честитки на Првата детска амбасада во светот „Меѓаши“

Првата детска амбасада во светот „Меѓаши“ понуди можност преку купување новогодишни честитки да им се помогне на децата кои не одат на училипте а се дел од Дневниот центар на граѓанската организација.

– Кога еден граѓанин, компанија, корпорација, владина институција или граѓанска организација помага во нешто, не е важно само тоа што го прави да го прави од срце, туку и да знае дека тоа е вистинското нешто, вистинското време и вистинскиот избор! Ние од Првата детска амбасада во светот „Меѓаши“ Ви нудиме можност преку купување новогодишни честитки да им помогнете на децата на кои им е потребен разговор и разбирање, да помогнете на децата кои не одат на училиште и кои се дел од нашиот Дневен центар, како и во реализација на сите оние активности за кои „Меѓаши“ се залага и ги спроведува.

Важно е да знаете дека со купувањето на честитките помагате во спроведувањето на активностите на една домашна граѓанска организација која веќе петта година по ред е на прво место по доверба меѓу граѓаните и која зад себе има богата историја. Детската амбасада „Меѓаши“ веќе 21 година е посветена на поддршката на најнемоќните – децата жртви на војни, деца кои се злоупотребувани, занемарени, оставени сами на себе.

Честитките со мотив 1, 2, 3, 4, 5, 6, 7, 8, 9, 10, 11 се со димензии 16,5 x 12 cm преклопени или 33 x 24 cm отворени, а мотивите 12 и 13 се со димензии 20 x 10 cm преклопени или 40 x 20 cm отворени. Овогодинешните честитки (м1, м2, м3, м4, м5) се со цена од 35 денари со вклучен плик, а мотивите 6, 7, 8, 9, 10, 11, 12, 13 кои се минатогодишни и се во ограничени количини, се со цена од 25 денари со вклучен плик.

Во цената на честитките не е вклучен ДДВ, бидејќи Првата детска амбасада не е даночен обврзник. Внатрешноста на истите е празна, со можност за дополнително печатење на сопствена порака или лого. Доколку порачката е над 100 парчиња, цената на дополнителното печатење е 6 денари во црно-бело и 9 денари во боја. За нарачка поголема од 500 парчиња дополнителното печатење на црно-бела порака и лого е бесплатно.

Доколку порачката е поголема од 150 парчиња за градот Скопје, доставувањето го вршат од „Меѓаши“ до Вашата адреса, без Ваш надомест. Од оваа година за секоја порачка над 200 честитки има можност и за персонализација на истите – обрќање со име и презиме до личноста на која ја праќате честитката, со што се овозможува уште попрофесионално честитање на празниците и промовирање на Вашата компанија. Честитките можете да ги порачате на телефонскиот број и факс: 02/2465 – 316, по пошта на ул. „Коста Новаковиќ“ бр. 22 а, 1000 Скопје, на електронска пошта: info@childrensembassy.org.mk или директно во просториите на Првата детска амбасада во светот „Меѓаши“.