Комисијата за верификација на факти добила повратни информации за 1.581 кандидат за советници и градоначалници од Управата за контраразузнавање и Воената служба при Министерството за одбрана.
Во текот на денот очекува и одговори од Државниот архив и од Агенцијата за разузнавање за тоа дали новопријавените кандидати биле соработници со тајните служби.
Утре, како што најави портпаролот на Лустрациска Предраг Димитровски, Комисијата ќе одржи седница.
Во интерес на времето овојпат сите пристигнати кандидатури се испратени до четирите институции, освен за кандидатите за Струга и Кичево, бидејќи за нив одлучуваше Управниот суд.
Но и тие ќе треба да го поминат лустрацискиот филтер.
Според законот, кандидатите за советници и градоначалници мора да го поминат лустрацискиот филтер. По првото пријавување за советници и градоначалници, меѓу кандидатите за советници беа пронајдени тројца соработници со тајните служби.