НСДП со години укажува дека во Македонија нема толку граѓани со право на глас колку што има запишано во избирачкиот список. Сега е повеќе од јасно дека овој „вишок“ на гласачи и служи на власта за да може да манипулира со избирачката воља на граѓаните и да победува на изборите на нелегитимен начин. Од тие причини Владата на Никола Груевски никогаш немала искрени намери да спроведе поипис на населението зашто така ќе се елиминира можноста за изборен фалсификат, велат од Нова социајдемократска парија.
Последните сознанија до кои дојде Нвладината организација Цивил се доказ за нови обиди за манипулација со гласачите. Имено власта почна виртуелно на зградите да им додава влезови и спратови што не постојат, со станови во кои фиктивно живеат луѓе кои добиле задача на денот на изборите да гласаат за „саканата“ власт.
„Оваа власт која се удира во гради дека е непобедива и дека сите ја сакаат, е пред пораз. Да не е така зошто би имала потреба од постојан притисок и корупција на граѓаните како што се носење гласачи од Пустец, сместување на стотици граѓани во еден стан, уценување на вработените од јавната администрација да обезбедат по 10 нови гласачи, гласање со двојни лични карти, бугарски воз и сл.“, соопштува НСДП.
Затоа НСДП ги повикува сите граѓани и определените и оние неопределените на денот на изборите масовно да излезат на избирачките места за да не дозволат нивните гласови да бидат злопуотребени и некој „друг“ да гласа за нив.