Групата граѓански организации кои денес протестираа пред Собранието на РМ ја одбија понудата за средба од Министерот за здравство, пренесена преку собраниското обезбедување, сметајќи ја за беспредметна откако Собранието веќе го усвои предлогот за донесување на Предлог-законот за прекин на бременост.
Овој предлог закон за прекинување не беше предмет на разгледување на сите засегнати страни, женските и сите граѓански организации, стручната и академската, како и генералната јавност, и беше ставен на дневен ред во целосно нетранспарентна и недомкратска процедура.
Наместо средба, организациите бараат:
– Министерот за здравство итно да го повлече законот
– Законодавно-правната комисија да донесе заклучокот во кој јасно ќе биде нагласено дека предлог законот е неприфатлив, дека нема потреба од негово изгласување и дека не треба понатаму да се разгледува до Собранието на Република Македонија.
Овие барања преку писма од поголема група граѓански организации и индивидуи ќе бидат доставени до Министерот и собраниската Комисија. Доколку не бидат усвоени барањата, се најавува продолжување на протестите додека не бидат усвоени барањата, односно не бид еповлечен предлог законот.