Американскиот претседател Барак Обама ќе се сретне со папата Френцис за првпат на 27.март во Ватикан, соопшти денеска Белата куќа.
Посетата на Обама со лидерот на Римокатоличката црква ќе биде дел од неколкуте посети на Обама на европско тло.
„Претседателот е во исчекување на разговори со Папата за нивната заедничка посветеност во борбата против сиромаштијата и нееднаквостите“, се вели во соопштението на Белата куќа.
Барак Обама, ставот на Папата за нееднаквоста го напомена во своето обраќање во декември.
„Насекаде во развиениот свет, нееднаквоста расте. Некои од вас можеби забележаа дека самиот Папа зборуваше за ова“, рече тогаш Обама.
Американскиот претседател се сретна со претходникот на Френцис, Бенедикт XVI во 2009 година во Ватикан. Тоа беше единствената средба на Обама со еден поглавар на Римокатоличката црква.