Наместо за локалните проблеми и прашања, партиите во кампањите зборуваат за националните прашања, пишува во привремениот извештај на набљудувачката мисија ОБСЕ/ОДИХР кои ги набљудуваат изборите.
“Како резултат на неодамнешната политика криза, овие избори земаат пошироко политичко значење. Лидерот на ВМРО ДПМНЕ за локалните избори зборува како за “референдум за иднината на земјата”, додека лидерот на СДСМ вели дека резултатите од овие избори ќе утврдат дали ќе има привремени избори”, пишува во привремениот извештај на ОБСЕ/ОДИХР.
Во извештајот се спомнуваат и инцидентите од протестите на младите Македонци и Албанци, кои според ОБСЕ/ОДИХР ќе влијаат негативно на целата изборна атмосфера.
“Кампањата досега е генерално мирна, но изолирани инциденти поврзани со изборите и насилните протести поврзани со назначувањето на новиот министер за одбрана имаат негативно влијание врз кампањата,” се забележува во извештајот.
ОБСЕ/ОДИХР констатираат дека има поплаки од некои партии за злоупотреба на административните ресурси во кампањата. Исто така, се забележува дека медиумите се силно поделени по етничка и политичка припадност. Констатираат дека иако засега најголемо влијание има телевизијата, се зголемува улогата на интернет медиумите и социјалните мрежи.
